Ўзбекистонда қимматбаҳо металларни олтин изловчилар усулида қазиб олиш фаолиятини амалга оширувчилар учун барча солиқ имтиёзлари бекор қилинади. Бу президент фармони билан белгиланган.
Шу пайтгача изловчилар фақатгина ягона ижтимоий тўловларни тўлаган. 2022 йил 1 июлдан бошлаб улар барча солиқларни тўлашади.
Аввалроқ Ўзбекистонда қимматбаҳо металларни тадбиркорлар томонидан қазиб олиш тартиби белгиланган эди.
Низомга кўра, қимматбаҳо металларни олтин изловчилар усулида қазиб олиш учун рухсатномалар Давлат геология қўмитаси томонидан ҳар йили тасдиқланадиган ер қаъри участкалари бўйича берилади.
Бунда ер қаъри участкаси ишончли, аниқ контурлари ва чегаралари кўрсатилган, ўлчами 5 гектаргача бўлган сочма олтин конлари бўлади.
Ер қаъри участкалари «E-auksion» порталига қўйилади ва унинг бир гектари бошланғич нархи БҲМнинг 35 баравари (9 миллион 450 минг сўм) этиб белгиланади. Рухсатномалар «E-auksion»даги аукцион якунлари бўйича фақат Ўзбекистон резидентларига 3 йилга берилади.
Изоҳ (0)