Муқаддас Рамазон ойи муносабати билан Шавкат Мирзиёев номига хорижий мамлакатларнинг давлат ва ҳукумат раҳбарлари, таниқли давлат ва дин арбобларидан қутловлар келмоқда. Бу ҳақда Президент матбуот хизмати хабар қилди.
Қайд этилишича, табрикномаларда хорижий ҳамкорлар томонидан дўст Ўзбекистон халқига тинчлик, осойишталик, барқарорлик ва тараққиёт тилаклари изҳор этилган. Ушбу қутлуғ кунлар мамлакат ва минтақанинг бутун мусулмон умматига фаровонлик ва равнақ олиб келиши алоҳида қайд этилган.
Жумладан, қуйидагилар ўз табрикларини йўллаган:
- Саудия Арабистони подшоҳи Салмон ибн Абдулазиз Ол Сауд;
- Миср Араб Республикаси президенти Абдулфаттоҳ ас-Сиси;
- Эрон Ислом Республикаси президенти Иброҳим Раисий;
- Бирлашган Араб Республикаси президенти Халифа бин Зоид Ол Наҳаён;
- Қувайт амири Наваф ал-Аҳмад ал-Жобир ас-Сабоҳ;
- Уммон султони Ҳайсам бин Ториқ;
- Баҳрайн подшоҳи Ҳамад бин Исо Ал Халифа;
- Иордания подшоҳи Абдулла II;
- Марокаш подшоҳи Муҳаммад VI;
- Сурия Араб Республикаси президенти Башар Асад;
- Саудия Арабистони Подшоҳлиги валиаҳди, Вазирлар Кенгаши раиси ўринбосари, мудофаа вазири Муҳаммад ибн Салмон ибн Абдулазиз Ол Сауд;
- Бирлашган Араб Амирликлари Қуролли кучлари Олий бош қўмондони ўринбосари, Абу-Даби Амирлиги валиаҳди Муҳаммад бин Зоид Ол Наҳаён;
- Кувайт Давлати валиаҳди Мишаал ал-Аҳмад ал-Жобир ас-Сабоҳ;
- Бирлашган Араб Амирликлари вице-президенти, бош вазири, Дубай амирлиги ҳокими Муҳаммад бин Рошид Ол Мактум;
- Миср бош имоми, «Ал-Азҳар» мажмуаси раҳбари шайх Аҳмад Таййиб.
Эслатиб ўтамиз, Ўзбекистонда Рамазон ойи 2 апрелдан бошланган. Ўзбекистон мусулмонлари идорасининг «Қуръон ва тажвидни ўргатиш» бўлими томонидан 1443/2022 йил Рамазон ойида Тошкент шаҳри масжидларида таровиҳ намозларида ўқиладиган хатми Қуръоннинг кунлик тақсимоти белгиланган. Унга кўра, хатми Қуръон апрелнинг биринчи кунидан бошлаб, 27 сана – Қадр кечасида якунланиши мўлжалланмоқда. Таровиҳ намози муносабати билан ҳар куни 18:00 дан 00:00 га қадар масжидлар яқинидаги йўллар транспорт воситалари ҳаракати учун беркитилмоқда.
Изоҳ (0)