«Биринчи резинотехника заводи» эксклюзив ҳуқуқлардан маҳрум этилади. Бу президент фармони билан белгиланган.
2019 йилда завод автомобиль ва қишлоқ хўжалиги шиналарини ягона етказиб берувчига айланган эди. Бундан ташқари, ҳозир давлат буюртмачилари корхона маҳсулотларини тўғридан-тўғри шартномалар асосида харид қилишлари мумкин.
Президент фармонига кўра, ушбу эксклюзив ҳуқуқлар 2022 йил июлигача бекор қилиниши керак. Масъуллар – Иқтисодий ривожланиш ва қашшоқликни қисқартириш вазирлиги ва «Ўзкимёсаноат».
2021 йилда «Биринчи резинотехника заводи» иш бўйича тергов ишлари бошланган ҳақида хабар қилинган эди. Ҳисоб палатасининг маълумотларига кўра, Хитой Эксимбанкидан жалб қилинган 156,4 миллион доллар ҳисобига барпо этилган завод атиги 15 фоиз қувватда ишлаган.
Изоҳ (0)