1 апрель ҳолатига кўра, Ўзбекистонда хорижий капитал иштирокидаги 13 656 та корхона фаолият юритмоқда. Бу Давлат статистика қўмитаси ҳисоботида қайд этилган.
Йил бошидан буён энг кўп Россия иштирокида компаниялар тузилган – 107. Иккинчи ўринда Туркия (95), учинчида Қозоғистон (46).
Январь ва февраль ойларида туркиялик тадбиркорлар Ўзбекистонда корхона очишда етакчилик қилган бўлса, март ойида биринчи ўринга Россия тадбиркорлари чиқди. Улар бир ой ичида 56 та компания яратди. Таққослаш учун, январда бу кўрсаткич 23 тани, февралда эса 28 тани ташкил қилган.
Бундай кескин ўсиш Украинада уруш бошланганидан кейин кўплаб россиялик тадбиркорлар Россияни тарк этиб, ўз бизнесларини бошқа мамлакатларга кўчиришга қарор қилганликлари билан изоҳланади.
Аввалроқ Ўзбекистон барча IT-мутахассислар талпинадиган маконга айлана бошлагани ҳақида хабар берилган эди.
Изоҳ (0)