Шри-Ланка пандемия ва Россиянинг Украинадаги уруш туфайли иқтисодий инқироз фонида ташқи мажбуриятлари бўйича preventiv defolt эълон қилишга қарор қилди.
Шри-Ланка барча ташқи мажбуриятлар бўйича тўловларни тўхтатади, деди мамлакат Молия вазирлиги.
Биз шундай вазиятга келдикки, қарзимизни тўлаш имконияти жуда паст бўлиб қолди, — деди мамлакат Марказий банки раҳбари Нандалал Веерасинҳ.Мамлакат 1948 йилда мустақилликка эришганидан бери ташқи қарзни тўлаш имконияти бўлган. Аммо COVID-19 пандемияси ва Россиянинг Украинадаги уруши оқибатлари Шри-Ланканинг молиявий аҳволини шу қадар ёмонлаштирди.
Preventiv defolt — Одатда бошқа давлат ёки ташкилотлардан ёрдам сўраганда юзага келади. Агар ҳеч қандай ёрдам олинмаса унда ҳақиқий дефолт юзага келади.
Март ойи охирида Халқаро валюта жамғармаси Шри-Ланканинг қарз ҳажмини барқарор бўлмаган деб баҳолади. Ҳукумат ушбу муаммони ҳал қилиш учун фавқулодда чоралар кўрган.
Financial Times газетасининг таъкидлашича, мамлакатнинг умумий тўланмаган ташқи давлат қарзи қарийб 35 млрд долларни ташкил этади.
Шу йилнинг ўзида 7 млрд доллар тўланиши керак. Шри-Ланка ҳукумати Халқаро валюта жамғармасидан иқтисодиётни тиклаш дастурини ишлаб чиқиш ва молиявий ёрдам беришни сўради.
Март ойида мамлакатда инфляция даражаси 18,7 фоизга етди, аҳоли орасида норозилик намойишлари кескин кўпайган.
Аввалроқ Россия дефолт бўлиши мумкинлиги ҳақида хабар берилган эди.
Изоҳ (0)