Shri-Lanka pandemiya va Rossiyaning Ukrainadagi urush tufayli iqtisodiy inqiroz fonida tashqi majburiyatlari bo‘yicha preventiv defolt e’lon qilishga qaror qildi.
Shri-Lanka barcha tashqi majburiyatlar bo‘yicha to‘lovlarni to‘xtatadi, dedi mamlakat Moliya vazirligi.
Biz shunday vaziyatga keldikki, qarzimizni to‘lash imkoniyati juda past bo‘lib qoldi, — dedi mamlakat Markaziy banki rahbari Nandalal Veyerasinh.Mamlakat 1948-yilda mustaqillikka erishganidan beri tashqi qarzni to‘lash imkoniyati bo‘lgan. Ammo COVID-19 pandemiyasi va Rossiyaning Ukrainadagi urushi oqibatlari Shri-Lankaning moliyaviy ahvolini shu qadar yomonlashtirdi.
Preventiv defolt — Odatda boshqa davlat yoki tashkilotlardan yordam so‘raganda yuzaga keladi. Agar hech qanday yordam olinmasa unda haqiqiy defolt yuzaga keladi.
Mart oyi oxirida Xalqaro valyuta jamg‘armasi Shri-Lankaning qarz hajmini barqaror bo‘lmagan deb baholadi. Hukumat ushbu muammoni hal qilish uchun favqulodda choralar ko‘rgan.
Financial Times gazetasining ta’kidlashicha, mamlakatning umumiy to‘lanmagan tashqi davlat qarzi qariyb 35 mlrd dollarni tashkil etadi.
Shu yilning o‘zida 7 mlrd dollar to‘lanishi kerak. Shri-Lanka hukumati Xalqaro valyuta jamg‘armasidan iqtisodiyotni tiklash dasturini ishlab chiqish va moliyaviy yordam berishni so‘radi.
Mart oyida mamlakatda inflyatsiya darajasi 18,7 foizga yetdi, aholi orasida norozilik namoyishlari keskin ko‘paygan.
Avvalroq Rossiya defolt bo‘lishi mumkinligi haqida xabar berilgan edi.
Izoh (0)