Ижтимоий тармоқларда бир қанча ёш йигитлар транспорт воситаларининг ойнасидан чиқиб олган ҳолда машиналарда турли хавфли манёврлар қилгани акс этган видеолавҳа тарқалди. Йўл ҳаракати хавфсизлиги хизмати ҳолат бўйича маълумот берди.
Қайд этилишича, видеотасвирдаги вазият Қашқадарё вилояти Шаҳрисабз шаҳрида содир бўлган. 5 та транспорт воситасининг ҳайдовчилари гуруҳ-гуруҳ бўлиб, қарама-қарши ҳаракатланиш учун мўлжалланган йўлга чиқиб автомобиль бошқарган. Ҳайдовчи ва йўловчиларнинг шахси аниқланиб, жами 12 нафар фуқарога нисбатан тегишли ҳужжатлар расмийлаштирилган ва суд томонидан кўриб чиқилган.
Уларнинг 6 нафарига нисбатан Маъмурий жавобгарлик тўғрисидаги кодекснинг 183-моддаси (майда безорилик) билан 15 сутка қамоқ жазоси тайинланган. Қолган 6 нафарига эса БҲМнинг 3 баравари (810 минг сўм) миқдорида жарима қўлланилган.
Изоҳ (0)