O‘zbekistonda qator kompaniya va tashkilotlarga berilgan eksklyuziv huquqlar bekor qilish orqali mavjud monopoliyalarning bartaraf etilishi kutilmoqda. Bu haqda 8-aprel kuni imzolangan “Tadbirkorlik muhitini yaxshilash va xususiy sektorni rivojlantirish orqali barqaror iqtisodiy o‘sish uchun shart-sharoitlar yaratish borasidagi navbatdagi islohotlar to‘g‘risida”gi prezident farmonida ko‘zda tutilgan.
Hujjatga ko‘ra, quyidagi kompaniya va tashkilotlarning eksklyuziv huquqlari bekor qilinmoqda:
- aholiga va ijtimoiy obyektlarga suyultirilgan gaz yetkazib berish bo‘yicha “Hududgazta’minot” AJning.
- haydovchi va haydovchilikka nomzodlarni transport vositasini boshqarishga layoqatligini tekshirish uchun tibbiy ko‘rikdan o‘tkazish bo‘yicha davlat davolash-profilaktika muassasalarining;
- ishlatilgan texnik moylarni to‘plash va qayta ishlash bo‘yicha Uz-Prista Recycling MCHJ QKning;
- tovarlarning kelib chiqishi to‘g‘risidagi sertifikatni berish bo‘yicha “O‘zbekekspertiza” AJning;
- qishloq, ovul va shahar posyolkalarining bosh rejalari loyihalarini va topogeodeziya xaritalarini ishlab chiqish bo‘yicha “Qishloqqurilishloyiha” AJning;
- elektr texnika uskunalari va qurilmalari, butlovchi buyumlar sarflash materiallarini “Hududiy elektr tarmoqlari” kompaniyasi tizimidagi korxonalar buyurtmasiga asosan markazlashtirilgan holda xarid qilish bo‘yicha “Energo RES” MCHJning.
- paxta mahsulotlarini, qishloq xo‘jaligi ekinlari urug‘larini sertifikatlash bo‘yicha “Agrosanoat majmuida xizmatlar ko‘rsatish markazi” DUKning;
- harbiy xizmatchilar, soliq organlari xodimlarini majburiy sug‘urtalash bo‘yicha “O‘zbekinvest” milliy sug‘urta kompaniyasining;
- qishloq xo‘jaligi shinalari yetkazib berish bo‘yicha “Birinchi radiotexnika zavodi”ning.
Izoh (0)