Футбол бўйича Испания Ла Лигасининг 31-туридан ўрин олган бир қатор учрашувлар 9 апрель, шанба куни бўлиб ўтди.
«Реал» «Сантьяго Бернабеу»да «Хетафе»ни қабул қилди. Асосан мезбонлар устунлик қилган баҳсда ҳисоб 38-дақиқада Каземиро томонидан очилди. 68-дақиқага келиб эса Лукас Васкес орадаги фарқни оширди. Шундан сўнг дарвозаларга бошқа гол киритилмади.
Шу тариқа «Реал» ўз майдонида ишончли ғалабани расмийлаштириб, чемпионлик йўлидаги муҳим бўлган 3 очкони қўлга киритди. Жамоа 72 очко билан мусобақа жадвалини бошқармоқда. 2-ўриндаги «Севилья» «қироллик клуби»дан нақ 12 очкога ортда қолмоқда. «Хетафе» эса 32 очко билан 14-поғонада жойлашган.
«Атлетико М» кутилмаганда пенальтидан ўтказиб юборилган гол эвазига «Мальорка»га мағлуб бўлди.
Ла Лига
31-тур баҳслари
9 апрель, шанба
«Реал» – «Хетафе» 2:0
Голлар: 1:0 – 38 Каземиро, 2:0 – 68 Васкес.«Реал»: Куртуа, Алаба (Начо, 86), Милитао, Марсело, Каземиро (Себальос, 75), Вальверде, Камавинга, Васкес, Бензема (Бэйл, 74), Винисиус Жуниор (Асенсио, 83), Родриго.
«Хетафе»: Сория, Суарес, Митрович, Жене, Куэнка (Кабако, 82), Оливера, Максимович (Ёкушлу, 86), Аленья (Оскар Родригес, 46), Вильяр (Флорентину, 74), Унал, Майораль (Сандро Рамирес, 46).
Огоҳлантиришлар: Каземиро (44), Вальверде (45), Оливера (76), Жене (79).
Изоҳ (0)