Бухорода 22 ёшли аёлни фоҳишалик билан шуғулланишга кўндириб, уни Туркияга юбораётган шахс қўлга олинди, дея хабар берди «Дарё» мухбири.
Ҳолат ДХХнинг вилоят бошқармаси ҳамда вилоят ИИБ ҳузуридаги тергов бошқармаси ходимлари ҳамкорлигидаги тадбирда фош этилган.Бухоро шаҳрида яшовчи М.Р. 22 ёшли Г.Р.ни сотиш ва бунинг ортидан даромад топишни мақсад қилиб, аёлни Туркиянинг Истанбул шаҳрига юборишга уринган. У аёлга йўл харажатларини ўз ҳисобидан қоплаб беришини, сарфланган харажатларни қоплаш учун эса ҳар бир мижоздан келадиган 2300 долларнинг ярмини ўзида сақлаб, қолган қисмини унга тўлаб бориши мумкинлигини айтган. Аёл эса бу таклифга ҳеч қандай монеликсиз кўнган. Г.Р. авиачипта ва COVID-19 га тест топширгани ҳақидаги маълумотномани расмийлаштириб, аёлни 2022 йилнинг 29 март куни Самарқанд халқаро аэропортидан Истанбул шаҳрига жўнатаётган вақтда ҳуқуқ-тартибот идоралари ходимлари томонидан қўлга олинган.
М.Р.нинг хатти-ҳаракатларида Жиноят кодексининг 135-моддаси 1-қисми (одам савдоси)да кўзда тутилган жиноят аломатлари мавжудлиги аниқланган. Дастлабки тергов ҳаракатларини олиб бориш учун тўпланган ҳужжатлар вилоят прокуратурасига юборилган.
Изоҳ (0)