Андижонда махсус жиҳозланган Cobalt’да 117 миллион сўмлик тамаки маҳсулотларини олиб кетаётган ҳайдовчи тўхтатилди. Бу ҳақда «Дарё» мухбири хабар бермоқда.
Таъкидланишича, вилоят ДХХ, Божхона ҳамда Ички ишлар бошқармалари ходимлари ҳамкорлигида Олтинкўл тумани ҳудудида ўтказилган тезкор тадбирда фуқаро М.О.га тегишли Cobalt кўздан кечирилганда машинада яширин тарзда 9000 қути тамаки маҳсулотлари олиб кетилаётгани аниқланган.
«Автотранспорт воситаси қайта жиҳозланиши натижасида ўйлаб топилган сунъий хуфёна қисмларда ҳамда ўриндиқ олиб ташланиб, қутиларга жойланган, божхона расмийлаштирувидан ўтмаган, айланма йўллар орқали республика ҳудудига олиб ўтилган, умумий қиймати 177 миллион сўмлик тамаки маҳсулотлари далилий ашё сифатида вақтинча сақловга олинган», — дейди тадбир иштирокчиларидан бири.
Ҳолат юзасидан вилояти божхона бошқармаси томонидан терговга қадар текширув ҳаракатлари олиб борилмоқда.
Изоҳ (0)