Buxoroda 22 yoshli ayolni fohishalik bilan shug‘ullanishga ko‘ndirib, uni Turkiyaga yuborayotgan shaxs qo‘lga olindi, deya xabar berdi “Daryo” muxbiri.
Holat DXXning viloyat boshqarmasi hamda viloyat IIB huzuridagi tergov boshqarmasi xodimlari hamkorligidagi tadbirda fosh etilgan.Buxoro shahrida yashovchi M.R. 22 yoshli G.R.ni sotish va buning ortidan daromad topishni maqsad qilib, ayolni Turkiyaning Istanbul shahriga yuborishga uringan. U ayolga yo‘l xarajatlarini o‘z hisobidan qoplab berishini, sarflangan xarajatlarni qoplash uchun esa har bir mijozdan keladigan 2300 dollarning yarmini o‘zida saqlab, qolgan qismini unga to‘lab borishi mumkinligini aytgan. Ayol esa bu taklifga hech qanday moneliksiz ko‘ngan. G.R. aviachipta va COVID-19 ga test topshirgani haqidagi ma’lumotnomani rasmiylashtirib, ayolni 2022-yilning 29-mart kuni Samarqand xalqaro aeroportidan Istanbul shahriga jo‘natayotgan vaqtda huquq-tartibot idoralari xodimlari tomonidan qo‘lga olingan.
M.R.ning xatti-harakatlarida Jinoyat kodeksining 135-moddasi 1-qismi (odam savdosi)da ko‘zda tutilgan jinoyat alomatlari mavjudligi aniqlangan. Dastlabki tergov harakatlarini olib borish uchun to‘plangan hujjatlar viloyat prokuraturasiga yuborilgan.
Izoh (0)