Қорақалпоғистоннинг Хўжайли туманида она ўз фарзандларига зулм ўтказиб, уларни хўрламоқда. Қилмишини эса ўзи тасвирга олиб, катта эҳтимол билан турмуш ўртоғига юборган. Бу ҳақда «Дарё»га хабар берган ўқувчи воқеа 2021 йилнинг июль ойида содир бўлганини айтмоқда.
Маълум қилинишича, видеодаги зулмкор она Ф.Х. бундан олти йил илгари А.А. исмли фуқаро томонидан олиб қочилиб, турмушга чиққан. Аммо қонуний никоҳ бўлмаган. Уларнинг икки нафар фарзанди бор.
«Дарё» ўқувчиси қизларнинг отаси А.А.га яқин таниш эканини айтиб, воқеадан яхши хабардорлигини билдирган.
«Ҳолат 2021 йилнинг июль ойида содир бўлган. Орадан кўп ўтмай А.А. Россиядан қайтишга мажбур бўлган. Шунга қарамасдан Ф.Х. вояга етмаган фарзандларига зулм ўтказишдан тўхтамаган. Ҳолат ҳалигача давом этмоқда», — дейди суҳбатдош.
Изоҳ (0)