Қорақалпоғистонда она ўз фарзандларига зулм ўтказиб, болаларни хўрлаётгани ҳақида хабар берилган эди. ИИВ матбуот котиби Шоҳрух Ғиёсов ҳолат юзасидан расмий маълумот берди.
Маълум қилинишича, 29 март куни Қорақалпоғистон Республикаси Хўжайли тумани Янгиҳаёт кўчасида яшовчи фуқаро А.А. туман ИИБ бошлиғи номига ариза билан мурожаат қилиб, 2021 йил июль ойларидан бошлаб турмуш ўртоғи бўлган Х.Ф. билан ўрталаридаги ўзаро келишмовчилик сабабли Х.Ф. ўзининг икки нафар вояга етмаган қизларини уриб, уларга азоб бериб келаётганини, шу сабабли Х.Ф.га нисбатан қонуний чора кўришда амалий ёрдам беришни сўраган.
9 апрель куни ижтимоий тармоқларда тарқалган видеотасвирда Х.Ф. ўзининг вояга етмаган фарзандлари — 2017 йилда туғилган Х.Ш.ни ҳамда 2019 йилда туғилган Х.А.ни ҳар хил сўзлар билан ҳақоратлаб, уларнинг ожиз аҳволдалигини била туриб, дўппослаётгани тасвирланган.
Ҳозирда мазкур ҳолат юзасидан Жиноят кодексининг 110-моддаси 2-қисми «а,в» бандлари (вояга етмаган, ожиз аҳволдалиги айбдорга аён бўлган шахсларни қийнаш) билан жиноят иши қўзғатилиб, гумонланувчи Х.Ф.га нисбатан процессуал чеклов чора белгилаш масаласи кўрилмоқда.
Изоҳ (0)