Тошкент шаҳар Яккасарой тумани Шота Руставели кўчасидаги ишлаб чиқариш цехи ва ётоқхона кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, бино қурилган ҳудуд «Ҳамкорбанк» гаровида ҳисобланади.
Ер участкасининг умумий майдони 2,41 гектар. Умумий ер майдони — 18 351 квадрат метр. Бинода газ, сув, электр таъминоти ва канализация тизими мавжуд.
Аукционга қўйилган биноларнинг бошланғич баҳоси — 124,6 млрд сўм.
Аризалар 10 май 09:00 га қадар қабул қилинади. Савдолар худди шу куни 10:00 да бошланади.
Ўзбошимчалик билан қурилган иморатнинг ерости майдони 12 450 квадрат метр. Бино ичидаги жиҳозлар сотилмайди.
Аввалроқ Тошкент шаҳридаги ҳовли МИБ томонидан 1,6 млрд сўмга аукционга қўйилгани ҳақида хабар берилган эди.
Изоҳ (0)