Toshkent shahar Yakkasaroy tumani Shota Rustaveli ko‘chasidagi ishlab chiqarish sexi va yotoqxona kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, bino qurilgan hudud “Hamkorbank” garovida hisoblanadi.
Yer uchastkasining umumiy maydoni 2,41 gektar. Umumiy yer maydoni — 18 351 kvadrat metr. Binoda gaz, suv, elektr ta’minoti va kanalizatsiya tizimi mavjud.
Auksionga qo‘yilgan binolarning boshlang‘ich bahosi — 124,6 mlrd so‘m.
Arizalar 10-may 09:00 ga qadar qabul qilinadi. Savdolar xuddi shu kuni 10:00 da boshlanadi.
O‘zboshimchalik bilan qurilgan imoratning yerosti maydoni 12 450 kvadrat metr. Bino ichidagi jihozlar sotilmaydi.
Avvalroq Toshkent shahridagi hovli MIB tomonidan 1,6 mlrd so‘mga auksionga qo‘yilgani haqida xabar berilgan edi.
Izoh (0)