Ўзбекистоннинг четдан олинаётган давлат қарзи қайси тармоқларга ва қанчадан тақсимланаётгани маълум қилинди, деб хабар бермоқда ЎзА.
Молия вазирлиги Давлат қарзини бошқариш департаменти директори Жасур Қаршибоевнинг маълум қилишича, жорий йилда давлатнинг жами қарзи 26,3 миллиард долларни ташкил этади. Шундан 2,7 миллиард доллари ички қарз, 23,6 миллиард доллари ташқи қарз ҳисобланади.
Ташқи қарзнинг асосий қисми — 5,9 миллиард доллар давлат бюджетини қўллаб-қувватлашга сарфланса, кейинги ўринларда электр-энергия тармоғи ва энергетика тизими жойлашган. Қарзнинг иқтисодий тармоқлар кесимида тақсимланиши қуйидагича:
- 5,9 миллиард доллари давлат бюджетини қўллаб-қувватлашга;
- 3,1 миллиард доллари электр-энергия тармоғига;
- 2,9 миллиард доллари энергетика (нефть-газ);
- 2,6 миллиард доллари транспорт ва транспорт инфратузилмасига;
- 2,4 миллиард доллари қишлоқ ва сув хўжалигига;
- 2,1 миллиард доллари уй-жой ва коммунал соҳага;
- 1,2 миллиард доллари тижорат банкларига;
- 1,2 миллиард доллари кимё саноатига;
- 0,7 миллиард доллари таълим ва соғлиқни сақлаш соҳасига;
- 0,2 миллиард доллари телекоммуникация тармоғига;
- 1,3 миллиард доллари бошқа йўналишларга.
Аввалроқ Ўзбекистоннинг ялпи ташқи қарзи биринчи марта 40 млрд доллардан ошиб 41,6 млрд долларни ташкил қилгани тўғрисида хабар берилганди. Мамлакат давлат қарзининг ЯИМга нисбатан улуши 38 фоизга етган. Жами қарздан 23,6 млрд доллар — ташқи қарз, 2,7 млрд доллар — ички қарз.
Изоҳ (0)