Хоразм вилоятининг Янгиариқ туманида фуқароларни ҳайдовчилик гувоҳномасини олиш учун имтиҳондан ўтказиб қўймоқчи бўлган шахс ушланди, деб хабар беради Бош прокуратура ҳузуридаги департамент.
Маълум қилинишича, департаментнинг Янгиариқ туман бўлими томонидан ДХХнинг Хоразм вилоят бошқармаси ва ИИБ ходимлари билан ҳамкорликда тезкор тадбир ўтказилган. Тадбир давомида О.Қ. исмли шахс фуқаролар — И.Қ. ва Ж.А.ни 600 доллар эвазига гўёки вилоят ЙҲХБда ишловчи танишлари орқали ҳайдовчилик гувоҳномасини олиш учун ўтказиладиган имтиҳондан ўтказиб қўйишни ваъда қилгани аниқланган. У фуқаролардан 550 доллар ва 500 минг сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда
Тошкентда 1 ҳафта муддатда «права» олиб беришини айтиб, фуқаролардан пул олган эркак ушлангани, Андижонда фуқарога 10 кунда «права» олиб бериш учун 3 млн сўм олган автомактаб ўқитувчиси қўлга олингани тўғрисида хабар берилганди.
Мавзуга доир:
Изоҳ (0)