Shavkat Mirziyoyev raisligida 8-aprel kuni Saxovat, Muruvvat va Mehribonlik uylari hamda maxsus maktab internatlari faoliyati bo‘yicha videoselektor yig‘ilishi bo‘lib o‘tmoqda, deb xabar berdi “Daryo” muxbiri.
Qayd etilishicha, prezident barcha hokimlar o‘z hududidagi har bir tibbiy-ijtimoiy tashkilotda qurilish-ta’mirlash va jihozlash ishlarini o‘z muddatida, sifatli bajarish, shuningdek, ularda zarur shart-sharoitlar yaratish uchun shaxsan javob berishi haqida gapirgan.
“Masalan, Toshkent shahar hokimligi 102-son zaif eshituvchi bolalarga ixtisoslashgan maktab-internat binolarining fasadi, oshxonasi va texnologiya xonalarini ta’mirlash, sport kompleksi va ishlab chiqarish ustaxonasi tashkil etish bo‘yicha ishlarni joriy yilda bajarishi lozim. Bunga mahalliy byudjetning qo‘shimcha daromadlari hisobidan 12 milliard so‘m mablag‘ talab etiladi.
“Shu o‘rinda e’tiboringizni bir masalaga qaratmoqchiman. Mutaxassislar fikriga ko‘ra, agar barcha yangi tug‘ilgan chaqaloqlarning eshitish qobiliyatini skrining qiladigan bo‘lsak, vaqtida zarur choralarni ko‘rish orqali, eshitish nogironligini 60 foizga kamaytirish mumkin ekan. Shuni hisobga olib, SSV bir oy muddatda barcha tug‘ruqxonalarni eshitishni skrining tekshiruvi uskunalari bilan jihozlash va eshitish nogironligini kamaytirish bo‘yicha Hukumat qarori loyihasini kiritsin”, — dedi prezident.
Izoh (0)