Shavkat Mirziyoyev raisligida 8-aprel kuni Saxovat, Muruvvat va Mehribonlik uylari hamda maxsus maktab internatlari faoliyati bo‘yicha videoselektor yig‘ilishi bo‘lib o‘tmoqda, deb xabar berdi “Daryo” muxbiri.
Davlat rahbari mas’ullarga 2022-yilda imkoniyati cheklangan bolalar va kattalarni zarur jihozlar bilan ta’minlash maqsadida Tibbiy-ijtimoiy xizmatlar agentligiga 31 milliard so‘m mablag‘lar ajratish bo‘yicha topshiriq berdi. Bunda:
- bolalar serebral falaji, umurtqa pog‘onasi kasal bo‘lgan shaxslarda mustaqil yurish funksiyalarini qayta tiklash uchun 20 dona “Ekzo-skelet” uskunasi;
- 880 nafar nogironligi bo‘lgan shaxslarga zamonaviy pultli aravachalar;
- ko‘zi ojiz bolalar va kattalar uchun 1 ming 800 dona ovozli termometr, 2 ming dona ovozli tonometr, 2 ming dona Brayl alifbosi bo‘yicha yozuv moslamalari;
- nogironligi bo‘lgan shaxslar favqulodda vaziyatlarga tushganda ularga tezkor yordam ko‘rsatish uchun 6 mingta maxsus funksiyalarga ega “Smart soat”lar, shuningdek yetarli miqdorda eshitish moslamalari xarid qilish nazarda tutiladi.
Prezident mas’ullarga “Ijtimoiy xizmat” elektron platformasini 1-mayga qadar ishga tushirish bo‘yicha topshiriq berdi.
Mavzuga doir:
- “2021-yilda nogironligi bo‘lgan 900 nafar bola protez-ortopediya moslamalari bilan ta’minlangan” — Shavkat Mirziyoyev
- “2022-yilda barcha tibbiy-ijtimoiy muassasalarni qurilish-ta’mirlash va jihozlashga 227 milliard so‘m ajratiladi” — prezident
- O‘zbekistondagi barcha tug‘uruqxonalar eshitishni skrining tekshiruvchi uskunalar bilan jihozlanadi
Izoh (0)