Тошкент аэропорти яқинидаги меҳмонхона МИБ томонидан 6,3 млрд сўмга аукционга қўйилди

Тошкент шаҳар Яккасарой тумани Абдулла Қаҳҳор кўчасидаги меҳмонхона кимошди савдосига қўйилди. Лот маълумотлари «E-auksion» порталида эълон қилинган.

Лот изоҳида ёзилишича, меҳмонхонада 958 квадрат метр ҳужжатсиз қурилма мавжуд. Шунингдек, бино ичидаги мол-мулклар сотилмайди. 5 қаватли меҳмонхона 93 та хонадан иборат.

Ер участкасининг умумий майдони — 0,10 гектар. Умумий ер майдони — 2039 квадрат метр. Бинода газ, сув, электр таъминоти ва канализация тизими мавжуд.

Аукционга қўйилган меҳмонхонaнинг бошланғич баҳоси — 6,25 млрд сўм. 

Аризалар 10 май 09:00 га қадар қабул қилинади. Савдолар худди шу куни 10:00 да бошланади. Лот кимошди савдосига фуқаролик ишлари суди билан Тошкент шаҳар Миробод тумани МИБ томонидан қўйилган.

Аввалроқ Тошкент шаҳридаги ҳовли МИБ томонидан 1,6 млрд сўмга аукционга қўйилгани ҳақида хабар берилган эди.