«Челси» Чемпионлар Лигаси чорак финал дастлабки ўйинида «Реал»га 1:3 ҳисобида мағлуб бўлди.
Лондонликлар сўнгги 2 ўйинда ўз дарвозасидан 7 та гол олиб чиқди. 2 апрель санасида Томас Тухель шогирдлари АПЛ доирасида «Брентфорд»га қарши ўйинда 1:4 ҳисобида имкониятни бой берганди. «Реал» эса уч бора Эдуар Менди дарвозасини ишғол қилди.
«Аристократлар» 2018 йил январь—февраль ойидан буён 2 ўйинда 7 та гол ўтказиб юбормаган эди. Ўшанда «Челси» Англия чемпионати доирасида «Борнмут» (0:3) ва «Уотфорд»га (1:4) мағлуб бўлганди. Лондонликларнинг кейинги ўйини 9 апрель, шанба куни «Саутҳэмптон»га қарши бўлиб ўтади.
«Челси» илк бор «Реал»га мағлуб бўлди. Шунингдек, лондонликлар устози Томас Тухелнинг ҳам Мадрид клубига қарши мағлубиятсиз серияси якунланди. Бунга қадар мутахассис қўл остидаги жамоалар олти ўйинда «Реал»га ютқазмаганди (4 дуранг, 2 ғалаба).
Чемпионлар Лигаси доирасидаги ўйинда илк бор бир футболчи «Челси» дарвозасини уч бор ишғол этди. Бенземагача ҳеч қайси футболчи бу ишни уддалай олмаганди.
Изоҳ (0)