Самарқанд вилоятида фуқарони фоҳишалик билан шуғулланиши учун хорижга жўнатаётган аёл қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, Самарқанд вилояти ИИБ Терроризм ва экстремизмга қарши курашиш бошқармаси одам савдоси ва ноқонуний миграцияга қарши кураш бўлими томонидан тезкор тадбир ўтказилган. Унда аёл (35 ёшли) енгил даромад топиш мақсадида бир жувонни (27 ёшли) Туркияга юбораётган вақтида вилоят халқаро аэропортида ашёвий далиллар билан қўлга тушди. Ҳолат холислар иштирокида тегишли тартибда расмийлаштирилган.
Мазкур ҳолат юзасидан тўпланган ҳужжатлар Самарқанд шаҳри бўйича ички ишлар органлари фаолиятини мувофиқлаштириш бошқармаси ҳузуридаги тергов бўлимига тақдим этилган. Фуқарога нисбатан тегишли тартибда жиноят иши қўзғатилган.
Изоҳ (0)