Forbes 2022 йилда дунёнинг энг бой аёлларини эълон қилди

Forbes журнали 2022 йилда дунёнинг энг бой аёллари рўйхатини эълон қилди.

Биринчи ўринни L'Oréal асосчисининг невараси Француаза Беттанкур Майерс эгаллади. Унинг бойлиги 74,8 млрд долларга баҳоланган. 68 ёшли Беттанкур Майерс қаторасига иккинчи йил дунёдаги энг бой аёл бўлиб келмоқда.

Walmart асосчиси Сам Уолтоннинг ягона қизи Элис Уолтон иккинчи ўринда қайд этилган. 72 ёшли Элис Уолтоннинг бойлиги 65,3 млрд долларга баҳоланган. У 2020 йилда дунёнинг энг бой аёли бўлган эди.

Koch Industries компаниясининг 42 фоиз улушига эгалик қилувчи Жулиа Кох 60 млрд доллар билан учинчи ўринни эгаллади. У Koch Industries асосчилари оиласининг фарзанди Давид Кохнинг беваси ҳисобланади.

Биринчи ўнталик қуйидагича (АҚШ долларида):

1. Француаза Беттанкур Майерс, 68 ёш (L'Oréal, Франция) — 74,8 млрд;
2. Элис Уолтон, 72 ёш (Walmart, АҚШ) — 65,3 млрд;
3. Жулиа Кох, 59 ёш (Koch Industries, АҚШ) —  60 млрд;
4. Маккензи Скотт, 51 ёш (Amazon, АҚШ) — 43,6 млрд;
5. Жаклин Марс, 82 ёш (Марс, АҚШ) — 31,7 млрд;
6. Жина Райнҳарт, 68 ёш (Hancock Prospecting, Австралия) — 30,2 млрд;
7. Мириам Адельсон, 76 ёш (Las Vegas Sands, АҚШ) — 27,5 млрд;
8. Сьюзан Клаттен, 59 ёш (BMW, Германия) — 24,3 млрд;
9. Ирис Фонтбана, 79 ёш (Antofogasta, Чили) — 22,8 млрд;
10. Абигайл Жонсон, 64 ёш (Fidelity Investmentс, АҚШ) — 21,2 млрд.