Украина президенти Владимир Зеленский Киевда Европарламент раҳбари Роберта Мецола билан учрашув якунлари бўйича мамлакатнинг Европа Иттифоқига қўшилиши масаласи бўйича аниқликлар пайдо бўлганини маълум қилди.
«Европарламент раҳбари Роберта Мецола билан Украинанинг Европа Иттифоқига қўшилишини тезлаштириш ҳақида гаплашдик. Аниқликлар бор», — дейди Зеленский ўз видеомурожаатида.
28 февраль куни Зеленский Украинанинг Европа Иттифоқига қўшиш бўйича аризани имзолаган эди. Президент Евроиттифоқдан «янги махсус тартиб» асосида Украинани «зудлик билан» таркибига қабул қилишни сўраган. «Бу адолатли эканига, биз бунга лойиқ эканимизга, бунинг имкони борлигига ишончим комил», — деганди у. Европа Иттифоқига аъзо саккизта давлат уни қўллаб-қувватлаган: Болгария, Чехия, Эстония, Латвия, Литва, Польша, Словакия ва Словения.
Бироқ 11 март куни ЕИнинг Версалда ўтказилган норасмий саммитида Европа давлатлари етакчилари Украинанинг Евроиттифоққа зудлик билан қўшилишининг имкони йўқлигини маълум қилди. Шу билан бирга, Франция президенти Эммануэль Макрон уруш шароитида Украинанинг Европа Иттифоқи аъзолигини олишига қарши чиққанди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)