Ukraina prezidenti Vladimir Zelenskiy Kiyevda Yevroparlament rahbari Roberta Metsola bilan uchrashuv yakunlari bo‘yicha mamlakatning Yevropa Ittifoqiga qo‘shilishi masalasi bo‘yicha aniqliklar paydo bo‘lganini ma’lum qildi.
“Yevroparlament rahbari Roberta Metsola bilan Ukrainaning Yevropa Ittifoqiga qo‘shilishini tezlashtirish haqida gaplashdik. Aniqliklar bor”, — deydi Zelenskiy o‘z videomurojaatida.
28-fevral kuni Zelenskiy Ukrainaning Yevropa Ittifoqiga qo‘shish bo‘yicha arizani imzolagan edi. Prezident Yevroittifoqdan “yangi maxsus tartib” asosida Ukrainani “zudlik bilan” tarkibiga qabul qilishni so‘ragan. “Bu adolatli ekaniga, biz bunga loyiq ekanimizga, buning imkoni borligiga ishonchim komil”, — degandi u. Yevropa Ittifoqiga a’zo sakkizta davlat uni qo‘llab-quvvatlagan: Bolgariya, Chexiya, Estoniya, Latviya, Litva, Polsha, Slovakiya va Sloveniya.
Biroq 11-mart kuni YIning Versalda o‘tkazilgan norasmiy sammitida Yevropa davlatlari yetakchilari Ukrainaning Yevroittifoqqa zudlik bilan qo‘shilishining imkoni yo‘qligini ma’lum qildi. Shu bilan birga, Fransiya prezidenti Emmanuel Makron urush sharoitida Ukrainaning Yevropa Ittifoqi a’zoligini olishiga qarshi chiqqandi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)