АҚШнинг Axios онлайн нашри Оқ уй матбуот котиби Жен Псакининг ўз ишини ўзгартириши мумкинлигини хабар қилди. Axios манбалари Псаки хонимнинг MSNBC кабел телеканали билан музокаралар олиб бораётгани ва май ойида у ерда иш бошлашини билдирган.
Хабарга кўра Жен Псаки Оқ уй юридик департаменти билан кетиш режасини муҳокама қилган, аёл истеъфонинг ахлоқий ҳамда ҳуқуқий томонлари устида бош қотирмоқда. Нашр манбалари Псакининг ушбу режалари ҳақида Оқ уйнинг юқори мартабали ходимларига гапирган, аммо матбуот хизмати вакилларига расмий баёнотлар бермаган. Псакининг MSNBC билан музокарлари қониқарли якунга яқин турибди. Аввал ушбу ресурс Псакининг CNN билан музокаралар олиб борганини хабар қилган, бир нечта бошқа каналлар эса уни ишга қабул қилишга қизиққан.
Жен Псаки Оқ уй матбуот хизматида 2009 йилда ишлашни бошлаган. 2011 йилда маълум вақт Оқ уйдаги ишини ташлаган ва 2012 йилда яна сиёсатга қайтиб, Барак Обаманинг матбуот котиби, 2013 йилда эса АҚШ давлат департаментининг вакилига айланган.
Дональд Трамп президентлик даврида Псаки CNN сиёсий шарҳловчиси бўлган ва Жо Байден президентлик сайловларида ғалаба қозонганидан кейин яна Оқ уйга қайтганди. Псаки MSNBC’да иш бошласа, вице-президент Камала Харриснинг собиқ матбуот котиби Симон Сандерс билан бирга фаолият олиб боради. Канал Сандерсни январь ойида янги дастур бошловчилигига таклиф қилган.
Мавзуга доир:
- Оқ уй Россия биологик қурол билан провокация уюштириши мумкинлигидан огоҳлантирди
- АҚШ ядровий келишув бўйича музокаралар муваффақиятсизликка учрайдиган бўлса, Эронга қарши чора кўришга ваъда берди
- Адвокатликдан вице-президентликка қадар. АҚШ тарихидаги биринчи аёл ва қора танли вице-президент Камала Харрис ҳақида
Изоҳ (0)