Тожикистоннниг «Холдинг Азия Гурпп Таджикистан» корхонаси яқин орада Ўзбекистоннинг қатор шаҳарларига тажриба-синов тариқасида халқаро автобус қатновларини бошлайди. Бу ҳақда Транспорт вазирлиги хабар берди.
Маълум қилинишича, 2 апрель кунидан бошлаб корхона Душанбе—Термиз, Душанбе—Денов ҳамда Панжикент—Самарқанд йўналишларида тажриба-синов тариқасида қатновларни амалга оширади:
- Душанбе—Термиз йўналишида қатнов масофаси 251 километр бўлиб, йўналишни босиб ўтишга 5 соат 40 дақиқа вақт сарфланади;
- Душанбе—Денов йўналиши қатнов масофаси 107 километр, йўналишга сарфланадиган вақт 2 соат 25 дақиқани ташкил этади;
- Панжикент—Самарқанд йўналиши қатнов масофаси 64 километр бўлиб, йўналишга сарфланадиган вақт эса 1 соат 25 дақиқа.
Изоҳ (0)