Ўзбекистонда февраль ойида инфляция 1,5 фоизни ташкил қилди.
Кетма-кет учинчи ой мева-сабзавотлар нархи инфляция ошиши бўйича етакчилик қилди. Жорий йилнинг мартида сабзавотлар, илдизмевалилар, плантайнлар ва дуккаклилар 9,7 фоизга ошган бўлса, мева ва ёнғоқлар нархлари 2,4 фоизга қимматлади.
Бундан ташқари нархларнинг сезиларли даражада ошиши шакар, қандолат маҳсулотлари ва десертлар (ой давомида 4,3 фоизга), ёғ-мой маҳсулотларида (2,4 фоиз) ҳам қайд этилди.
Февраль ойидан бери балиқ ва бошқа денгиз маҳсулотларининг нархи 1,7 фоизга кўтарилган бўлса, экинлар ва ёрма маҳсулотлари 1,5 фоизга, спиртсиз ичимликлар ва бишқа озиқ-овқатлар 1,1 фоизга қимматлашган.
Гўшт маҳсулотларининг инфляцияси 1 фоиздан ошмасдан 0,5 фоиз бўлди.
Ўтган йилнинг мартига нисбатан нархларнинг ўсиш суръати қуйидагича бўлди:
- гўшт маҳсулотлари — 9,5 фоиз;
- донли экинлар ва ёрма маҳсулотлари — 8,9 фоиз;
- балиқ ва бошқа денгиз маҳсулотлари — 12,8 фоиз;
- сут маҳсулотлари ва тухум — 10,3 фоиз;
- ёғлар ва мойлар — 24,2 фоиз;
- мевалар ва ёнғоқлар — 14,5 фоиз;
- спиртсиз ичимликлар — 9 фоиз;
- шакар, қандолат маҳсулотлари ва десерт — 17,8 фоиз;
- сабзоватлар, плантайнлар ва дуккаклилар — 34,6 фоиз.
Аввалроқ хабар берилганидек, инфляция — Ўзбекистон иқтисодиёти ҳолати ва ҳаётидаги муҳим кўрсаткичлардан бири. 2021 йилда инфляция даражаси сўнгги йилларга қараганда рекорд даражада – 9,98 фоизга паст бўлди. Ҳукумат инфляция даражасини 2023 йилда 5 фоизгача туширишни мақсад қилиб олди. Ушбу кўрсаткич Канада ва Буюк Британия каби мамлакатлар кўрсаткичи ҳисобланади. Инфляция кўплаб кўрсаткичларга таъсир ўтказади. Мисол тариқасида айтадиган бўлсак, инфляция даражаси қанчалик паст бўлса, кредитлар, шу жумладан, ипотека кредитлари ҳам шунчалик пасаяди.
Аввалроқ Ўзбекистонда февраль ойида нархлар қандай ўзгаргани ҳақида маълум қилинган эди.
Изоҳ (0)