Тошкент шаҳрининг Яшнобод туманида инфокиоскни ўғирлаган шахс қўлга олинди, деб хабар беради пойтахт ИИББ матбуот хизмати.
Маълум қилинишича, 19 март куни соат 20:00 ларда номаълум шахс UzPaynet МЧЖга тегишли 22 миллион сўмлик инфокиоскни ўғирлаб кетган. Ушбу шахс қурилмани ўзининг Nexia автомобилига ортиб, кимсасиз жойга олиб борган. У ерда инфокиоскни очиб, ичидаги 3 миллион сўмдан ортиқ маблағни ўзлаштирган.
Кўрилган чора-тадбирлар натижасида гумонланувчи шахс — 27 ёшли А.М. қўлга олинган. Мазкур ҳолат бўйича тўпланган ҳужжатлар Яшнобод тумани ИИО ФМБга юборилган.
Аввалроқ Фарғонада 18 ёшли йигит банкоматни бузаётганида қўлга тушгани, Андижонда банкоматни бузиб, ундаги пулларни ўғирлашга уринган шахс ушлангани, Тошкент вилоятида 145 млн сўмлик банкоматни ўғирлаган 3 нафар йигит қўлга олингани тўғрисида хабар берилганди.
Изоҳ (0)