Тошкент шаҳрида фоҳишалик билан шуғулланаётган аёллар ушланиб, тегишли тартибда жазога тортилди. Бу ҳақда шаҳар Ички ишлар бош бошқармаси хабар қилди.
Қайд этилишича, Тошкент шаҳар ИИББ ходимлари томонидан ҳуқуқбузарликлар ва жиноятлар содир этилишининг барвақт олдини олиш, рўй берганларини фош этиш борасида махсус профилактик тадбирлар ўтказилган. Тадбирлар давомида 14 нафар аёл фоҳишалик билан шуғулланаётгани маълум бўлган. Улар Telegram орқали алоҳида ҳақ эвазига интим хизматларини таклиф қилаётгани аниқланиб, ички ишлар органлари ходимлари томонидан қўлга олинган.
Ҳуқуқбузарлик содир этган 6 нафар аёлга нисбатан Маъмурий жавобгарлик тўғрисидаги кодекснинг 190-моддасига (фоҳишалик билан шуғулланиш) асосан маъмурий қамоқ жазоси, 8 нафарига эса жарима жазолари тайинланган.
Мавзуга доир:
Изоҳ (0)