Самарқандда уч нафар фуқаро 16 қаватли турар жой қуриш учун ажратилган ерни 500 минг долларга баҳолаб, 250 минг долларини олаётганда қўлга олинган. Бу ҳақда «Дарё»га ДХХнинг вилоят бошқармаси маълум қилди.
Самарқанд шаҳар ҳокимининг 2021 йилдаги қарори билан шаҳарнинг «Қорасув» мавзесидан 16 қаватли турар жой биноларини қуриш учун «Сам Қора-Сув Строй» МЧЖга 1 гектар ер майдони ажратилган. Аммо қурилиш ишлари 2022 йилнинг декабрь ойига қадар бошланган бўлиши лозим эди. Йўқса ер захирага қайтарилиши белгиланган бўлган. Буни яхши билган Самарқанд шаҳрида яшовчи 35 ёшли Я.О., 44 ёшли А.Н. ва 54 ёшли А.К. ўзаро жиноий тил бириктириб, ерни сотиш ҳаракатига тушган.
Улар таниш фуқарога мазкур ер майдонини 500 минг долларга ҳокимият идораларидаги танишлари орқали расмийлаштириб беришни ваъда қилиб, ундан келишилган маблағнинг 250 минг долларини олаётган вақтида қўлга олинган.
Ҳозирда ҳолат юзасидан суриштирув ҳаракатлари олиб борилмоқда.
Изоҳ (0)