Uzbekistan Airways авиакомпанияси «Шарқий хаб» лойиҳаси доирасида Наманган—Олмаота—Наманган йўналишида янги мунтазам авиақатновни йўлга қўйди. Бу ҳақда «Дарё» мухбири Азизбек Абдувалиев хабар бермоқда.
30 март куни соат 19:56 да авиакомпаниянинг А320 русумли ҳаво кемаси 160 нафар йўловчини Намангандан Қозоғистоннинг Олмаота шаҳрига олиб кетди.
Самолёт бугун 23:45 да Наманганга қайтиб қўнади.
Маълумот учун, Наманган—Олмаота—Наманган йўналишидаги мунтазам авиақатновлар ҳафтанинг чоршанба ва шанба кунлари амалга оширилади.
Изоҳ (0)