Эден Азар мавсумнинг қолган қисмини ўтказиб юборади

«Реал» ҳужумкор ярим ҳимоячиси Эден Азар мавсум сўнгига қадар сафдан чиқди.

Ўтган ҳафтада 31 ёшли футболчи ўнг оёғи кичик болдир суягидаги остеосинтез пластинасини олиб ташлаш учун жарроҳлик столига ётиши маълум бўлди. Операциядан сўнг Азар беш ҳафта майдонга туша олмаслиги айтилганди. El Chiringuito журналисти Хосе Луис Санчеснинг таъкидлашича, бельгиялик футболчи учун мавсум якунланган.

Эден «Реал» сафида жароҳат туфайли умумий ҳисобда 500 кун майдонга туша олмади. Шу вақт мобайнида бельгиялик 14 марта жароҳат олган.

Аввалроқ, «Реал» ёзда деярли 10 нафар футболчиси билан хайрлашмоқчи эканлиги, уларнинг орасида Эден Азар ҳам борлиги хабар қилинганди.

«Реал» Азарни 2019 йилнинг ёзида «Челси»дан сотиб олганди. Мадридликлар ушбу трансферга 100 миллион евродан ортиқ маблағ сарфлаган.