28 март куни соғлиқни сақлаш соҳаси вакиллари билан ўтказилган очиқ мулоқотда белгиланган вазифаларни амалга ошириш чора-тадбирларига бағишланган видеоселектор йиғилиши ўтказди. Унда давлат раҳбари тиббиёт муассасаларидаги жиҳозларнинг созлиги бўйича аниқ маълумотлар йўқлигини танқид қилди, деб хабар бермоқда президент матбуот котиби.
Қайд этилишича, йиғилишда қайси шифохона ва лабораторияда қандай жиҳоз соз ёки носозлиги бўйича аниқ ҳисоб-китоб йўқлиги кўрсатиб ўтилган. Вилоят ҳокимларига 25 апрелга қадар барча бирламчи муассасаларни хатловдан ўтказиб уларга зарур бўлган ва таъмирталаб жиҳозлар рўйхатини шакллантириш топшириғи берилган. Соғлиқни сақлаш вазирлиги тиббиёт асбоб-ускуналарига техник хизмат кўрсатиш тизимини яратиш бўйича таклиф киритиши белгиланган.
22 та республика маркази йил якунига қадар Ўзбекистонда илгари бажарилмаган камида 100 та юқори технологик даволаш усулларини йўлга қўйиши зарурлиги кўрсатиб ўтилган. Мисол учун, Гематология марказида махсус операцион комплексни ташкил этиш ҳисобига оққон касаллигига чалинган беморлар учун илик кўчириш амалиётини йўлга қўйиш мумкинлиги айтилган. Мутасаддиларга бу борада тегишли топшириқлар берилган.
Мавзуга доир:
- Ўзбекистонда тез тиббий ёрдам тизимидаги айрим ходимларнинг ойлик иш ҳақига 40 фоиз устама берилиши мумкин
- «Очиқ мулоқотдан кейинги ўзгаришларни нафақат тиббиёт ходимлари, балки ҳар бир хонадон сезиши шарт» — Шавкат Мирзиёев
- «Барча марказлар раҳбарларини қатъий огоҳлантираман». Шавкат Мирзиёев апрель тиббиёт муассасалари учун синов ойи бўлишини айтди
- «Бир ойлик амалий иш тизимига ўтамиз». Шавкат Мирзиёев вазир, раҳбар ва ҳокимлар ўзларининг ойма-ой режасини ишлаб чиқишини айтди
Изоҳ (0)