ДХХ Самарқандда сифати кафолатланмаган дори воситаларини 12 минг долларга сотмоқчи бўлган фуқарони қўлга олди. Бу ҳақда «Дарё»га ДХХнинг вилоят бошқармаси маълум қилди.
Қўқон шаҳрида яшовчи 26 ёшли Т.Э. 434 қути «Вобэнзим-Э» дори воситаларини хориждан айланма йўллар орқали Ўзбекистон ҳудудига олиб кириб, Самарқанд шаҳрида яшовчи фуқарога сотмоқчи бўлган. ДХХнинг вилоят бошқармаси ҳамда вилоят департаменти ходимлари ҳамкорлигидаги тадбирда Т.Э. дорини сотиб, 12 минг 200 долларни пулни олган вақтида ашёвий далиллар билан ушланган.
Ҳозирда, ушбу шахсга нисбатан Жиноят кодексининг тегишли моддаси билан жиноят иши қўзғатилиши режалаштирилиб, суриштирув ҳаракатлари олиб борилмоқда.
Изоҳ (0)