DXX Samarqandda sifati kafolatlanmagan dori vositalarini 12 ming dollarga sotmoqchi bo‘lgan fuqaroni qo‘lga oldi. Bu haqda “Daryo”ga DXXning viloyat boshqarmasi ma’lum qildi.
Qo‘qon shahrida yashovchi 26 yoshli T.E. 434 quti “Vobenzim-E” dori vositalarini xorijdan aylanma yo‘llar orqali O‘zbekiston hududiga olib kirib, Samarqand shahrida yashovchi fuqaroga sotmoqchi bo‘lgan. DXXning viloyat boshqarmasi hamda viloyat departamenti xodimlari hamkorligidagi tadbirda T.E. dorini sotib, 12 ming 200 dollarni pulni olgan vaqtida ashyoviy dalillar bilan ushlangan.
Hozirda, ushbu shaxsga nisbatan Jinoyat kodeksining tegishli moddasi bilan jinoyat ishi qo‘zg‘atilishi rejalashtirilib, surishtiruv harakatlari olib borilmoqda.
Izoh (0)