Вақтингизга ачинмайсиз: тушкун вақтларда кўнгилга таскин берадиган фильмлар тўплами

Ҳаммамизда ҳам баъзида тушунарсиз кайфият бўлади — кўрпага ўраниб, иссиққина чой ичиб, фильм томоша қилишни хоҳлайди бу кўнгил. AdMe нашри шундай вазиятларда ёрдам берадиган, қалбингизни эритадиган фильмларни тўплади.

«Мен — ўқитувчиман»

Наина Матур ҳар доим ўқитувчи бўлишни хоҳлаган. Аммо унда асаб фаолияти бузилиши кузатилгани учун мактаб директорлари уни ишга олишдан бош тортишади. Бир куни унинг орзуси ушалади: уни 9-синфга ўқитувчи қилиб олишади. Қизнинг муваффақиятига ҳеч ким ишонмайди, лекин Наина ҳазил ёрдамида у заифлигини кучга айлантиради.

IMDb рейтинги — 7,6

«Камон Камон»

Кунларнинг бирида ҳаётдан чарчаган радиожурналистга энг қийин вазифа берилади: у жиянига қараши керак. Бироз ўйлагач, жиддий қарорга келади: улар саёҳатга чиқишади. Ким билади, иккиси дунё, ўзлари ва бир-бирлари ҳақида қанча янги нарсаларни ўрганишади.

IMDb рейтинги — 7,5

«Кичкина она»

8 ёшли Нелли бувисидан айрилади. Ота-онаси билан бирга онасининг болалиги ўтган қишлоқдаги уйга келади. Қиз атрофни қизиқиш билан ўрганади. Яқиндаги ўрмонда у ўзи учун дарахтда уй қураётган тенгдош қизни учратади.

IMDb рейтинги — 7,4

«Аждодлар чақириғи»

Фильм Аляскага келиб қолган оддий уй итининг тақдирини очиб беради. У почтада хизмат қилишга ва бир эгадан иккинчисига ўтишга мажбур бўлади. Ҳатто оғир аҳволига қарамай, меҳрибон ва саховатли ит бўлиб қолаверади.

IMDb рейтинги — 6,7

«Шу ерда ва бугун»

Комедия қаҳрамони — кекса эркак борган сари ақлдан озмоқда. Бир куни у кўча хонандасини учратиб қолади. Улар ўртасида ақл бовар қилмайдиган ва таъсирли дўстлик пайдо бўлади. Фильмдан маълум бўладики, куч умуман ёшда эмас, балки меҳр ва ишончда.

IMDb рейтинги — 6,7

«Менинг бўрим»

Картинада қиз ва унга тегишли уй ҳайвонининг мураккаб ҳикояси тасвирланган. Бир куни 8 ёшли Викторияга Секрет исмли кучукча беришади. Йиллар ўтади, улар бир-бирига жуда ўрганиб қолади. Аммо кутилмаганда ит бўри бўлиб чиқади ва бу кўплаб муаммоларни келтириб чиқаради. Бироқ ҳақиқий дўстликка ҳеч қандай нарса тўсиқ бўлолмайди.

IMDb рейтинги — 6,4

«Сирано»

Сирано — ҳамма нарсада қобилиятли одам. У нотиқликда ҳам, қиличбозликда ҳам бирдек моҳир. Аммо ташқи кўринишидаги нуқсонлар яшашига халақит беради. Шу туфайли у ўзини севгилисига нолойиқ деб ҳисоблайди ва кўп йиллар давомида унга ҳис-туйғуларини айтолмайди.

IMDb рейтинги — 6,3

«Бестселлер»

Қизга нашриёт мерос бўлиб қолади. Ишлар шу даражада ёмонки, бизнес банкротлик ёқасида. Аммо тўсатдан у ўтмишдаги машҳур ёзувчи билан тузилган эски ва унутилган шартномани топиб олади. Қиз нашриётни қутқариш имкониятини қўлга киритади, аммо кекса одам ҳам содда эмасга ўхшайди.

IMDb рейтинги — 6.1

«Бўри ва шер»

Пианиночи Алма ҳаётида ғалати воқеалар содир бўлади. Аввал уйи остонасига она бўри боласи билан югуриб келади, сўнг ичида цирк шерининг боласи бўлган самолёт яқин атрофга қулайди. Аммо қиз бу ғалати нарсаларга ҳайрон бўлмайди ва кичик йиртқичларга бошпана беради. Кейинчалик эса ҳаммаси у ўйлаганчалик оддий эмаслиги маълум бўлади.

IMDb рейтинги — 6