Намойишидан 20 йил ўтиб ҳам томошабинларнинг севимли мультфильми бўлиб қолаётган «Музлик даври» картинаси ҳақида қизиқарли маълумотлар

Севимли мультфильмларимизга кўп йиллар бўлганини тасаввур қилиш қийин. Масалан, «Шрек» 20 ёшдан ошган. «Музлик даври» эса 2022 йилда ўзининг 20 йиллигини нишонлади (жаҳон премьераси 15 мартда бўлиб ўтган). Лекин ҳаммамиз уни ҳалигача завқ билан томоша қиламиз.

• Ялқов Сидга овоз берган актёр Жон Легуизамо узоқ вақт давомида қаҳрамонига мос овоз тополмайди. Ҳужжатли фильмлардан ялқовлар овқатни оғизларида сақлашини билгунча у ўнлаб вариантларни синаб кўради. Кейин актёр оғзини шоколад, ерёнғоқ мойи билан тўлдиради — Сиднинг овози шу тарзда яратилади.
• Леонардо Ди Каприо Сидга овоз бериши мумкин эди. Қизиқ, у ҳам оғзини ерёнғоқ мойига тўлдириб олган бўлармиди?

• Олмахон Скрет хаёлий жонзот бўлган, аммо 2002 йилда тадқиқотчилар ҳақиқатан ҳам Скрет катталигида, аммо тишлари жуда узун бўлган сутемизувчининг қолдиқларини топишган.
• Скретга режиссёрнинг ўзи овоз берган. Дастлаб олмахон иштирокида атиги 1 та саҳна режалаштирилган эди, аммо томошабинларга бу қаҳрамон шунчалик ёқиб қоладики, улар олмахонни яна кўрсатишда давом этишади.
• Аввалига хушмуомала Сид аблаҳ ва ёлғончи бўлиши тахмин қилинган эди. У Қозиқтишнинг болаларини алдайдиган 2 та саҳна ҳам яратилади, лекин улар экран юзига чиқмайди. Ўчирилган саҳналарни махсус DVD’да кўриш мумкин.
• Аммо Сиднинг чекига тушиши керак бўлган фирибгар сурати франшизада намойиш этилган. Фильм давомида тезкор Тони исмли қаҳрамон пайдо бўлади, ижодкорлар барча ёмон фазилатларни унга жойлашади.
• Мультфильм ижодкорлари Табиат тарихи музейи ходимлари билан маслаҳатлашади. Олимлар эътироз билдирган ягона нарса — музлик даврида динозаврларнинг бўлмагани, чунки 20 минг йил олдин улар мавжуд эмас эди. Бироқ бу нарса фильмнинг 3-қисмини ҳам яратишга тўсқинлик қилмади.
• Францҳизанинг 1-қисми кадрда одамлар бўлган ягона қисмдир.

• Музлик даври 2002 йилда энг кўп даромад келтирган фильмлар рўйхатида 8-ўринни эгаллайди. 2006 йилда чиққан сиквел эса ундан ҳам ўтиб кетади: у мультфильмлар орасида энг юқори прокатни тўплади, фильмлар орасида эса 3-ўринни эгаллади. Уни фақат «Кариб денгизи қароқчилари» ва «Да Винчи коди» фильмлари ортда қолдира олган.
• Айнан 1-фильмнинг муваффақияти Blue Sky’ни гуллаб-яшнатди.
• Фильмда гўдак муз ичида қотиб қолган ўзга сайёраликлар кемасини кўриб, қўлини кўтариб саломлашиш саҳнаси бор. Бу ишора «Стартрек»даги анъанавий Вулкан саломи ҳисобланади.

• Фильмдан кейинги титрнинг бир жойида «Музлик даври болалари» қатори пайдо бўлади. Унда мультфильм яратиш жараёнида туғилган компания ходимларининг чақалоқлари санаб ўтилган.
• Мультфильм яратувчилари кўп деталларга синчковлик билан эътибор беришганига қарамай, барча ҳайвонлар — бош қаҳрамонлар турли даврларда ва турли жойларда яшаган ва, албатта, бирга саёҳат қила олмаган.
• 1-қисмда ялқов Сид музли ғорда кўрган барча мавжудотлар кейинги қисмлар сюжетига ишора қилади: сиквелда балиқлар, 3-қисмда динозаврлар, 4- ва 5-қисмда эса мос равишда ялқовлар тўдаси ва учар ликопча пайдо бўлади.

• Дастлаб «Музлик даври» комедиядан кўра драма бўлиши керак эди, шунингдек, анимацияни қўлда чизиш режалаштирилган. Аммо у Blue Sky Studios қўлига тушгандан сўнг компьютерлаштирилган анимацион мультфильмга айланади.
• Қандай қилиб драма комедияга айланди? Гап шундаки, 20th Century Fox кинокомпанияси негадир мультфильм комедия бўлсагина, экранга чиқаришга рози бўлган.
• Мультфильмни яратиш жараёнида жамоа ҳамма нарсага масъулият билан ёндашган: ижодкорлар нафақат олимлар билан маслаҳатлашишган, балки Скрет анимациясини чизиш учун ҳайвонларнинг, хусусан, олмахонларнинг табиий ҳаракатларини кузатиш учун аниматорларни ҳайвонот боғига ҳам жўнатган.