Hammamizda ham ba’zida tushunarsiz kayfiyat bo‘ladi — ko‘rpaga o‘ranib, issiqqina choy ichib, film tomosha qilishni xohlaydi bu ko‘ngil. AdMe nashri shunday vaziyatlarda yordam beradigan, qalbingizni eritadigan filmlarni to‘pladi.
“Men — o‘qituvchiman”
Naina Matur har doim o‘qituvchi bo‘lishni xohlagan. Ammo unda asab faoliyati buzilishi kuzatilgani uchun maktab direktorlari uni ishga olishdan bosh tortishadi. Bir kuni uning orzusi ushaladi: uni 9-sinfga o‘qituvchi qilib olishadi. Qizning muvaffaqiyatiga hech kim ishonmaydi, lekin Naina hazil yordamida u zaifligini kuchga aylantiradi.
IMDb reytingi — 7,6
“Kamon Kamon”
Kunlarning birida hayotdan charchagan radiojurnalistga eng qiyin vazifa beriladi: u jiyaniga qarashi kerak. Biroz o‘ylagach, jiddiy qarorga keladi: ular sayohatga chiqishadi. Kim biladi, ikkisi dunyo, o‘zlari va bir-birlari haqida qancha yangi narsalarni o‘rganishadi.
IMDb reytingi — 7,5
“Kichkina ona”
8 yoshli Nelli buvisidan ayriladi. Ota-onasi bilan birga onasining bolaligi o‘tgan qishloqdagi uyga keladi. Qiz atrofni qiziqish bilan o‘rganadi. Yaqindagi o‘rmonda u o‘zi uchun daraxtda uy qurayotgan tengdosh qizni uchratadi.
IMDb reytingi — 7,4
“Ajdodlar chaqirig‘i”
Film Alyaskaga kelib qolgan oddiy uy itining taqdirini ochib beradi. U pochtada xizmat qilishga va bir egadan ikkinchisiga o‘tishga majbur bo‘ladi. Hatto og‘ir ahvoliga qaramay, mehribon va saxovatli it bo‘lib qolaveradi.
IMDb reytingi — 6,7
“Shu yerda va bugun”
Komediya qahramoni — keksa erkak borgan sari aqldan ozmoqda. Bir kuni u ko‘cha xonandasini uchratib qoladi. Ular o‘rtasida aqlbovar qilmaydigan va ta’sirli do‘stlik paydo bo‘ladi. Filmdan ma’lum bo‘ladiki, kuch umuman yoshda emas, balki mehr va ishonchda.
IMDb reytingi — 6,7
“Mening bo‘rim”
Kartinada qiz va unga tegishli uy hayvonining murakkab hikoyasi tasvirlangan. Bir kuni 8 yoshli Viktoriyaga Sekret ismli kuchukcha berishadi. Yillar o‘tadi, ular bir-biriga juda o‘rganib qoladi. Ammo kutilmaganda it bo‘ri bo‘lib chiqadi va bu ko‘plab muammolarni keltirib chiqaradi. Biroq haqiqiy do‘stlikka hech qanday narsa to‘siq bo‘lolmaydi.
IMDb reytingi — 6,4
“Sirano”
Sirano — hamma narsada qobiliyatli odam. U notiqlikda ham, qilichbozlikda ham birdek mohir. Ammo tashqi ko‘rinishidagi nuqsonlar yashashiga xalaqit beradi. Shu tufayli u o‘zini sevgilisiga noloyiq deb hisoblaydi va ko‘p yillar davomida unga his-tuyg‘ularini aytolmaydi.
IMDb reytingi — 6,3
“Bestseller”
Qizga nashriyot meros bo‘lib qoladi. Ishlar shu darajada yomonki, biznes bankrotlik yoqasida. Ammo to‘satdan u o‘tmishdagi mashhur yozuvchi bilan tuzilgan eski va unutilgan shartnomani topib oladi. Qiz nashriyotni qutqarish imkoniyatini qo‘lga kiritadi, ammo keksa odam ham sodda emasga o‘xshaydi.
IMDb reytingi — 6.1
“Bo‘ri va sher”
Pianinochi Alma hayotida g‘alati voqealar sodir bo‘ladi. Avval uyi ostonasiga ona bo‘ri bolasi bilan yugurib keladi, so‘ng ichida sirk sherining bolasi bo‘lgan samolyot yaqin atrofga qulaydi. Ammo qiz bu g‘alati narsalarga hayron bo‘lmaydi va kichik yirtqichlarga boshpana beradi. Keyinchalik esa hammasi u o‘ylaganchalik oddiy emasligi ma’lum bo‘ladi.
IMDb reytingi — 6
Mavzuga doir:
- Namoyishidan 20 yil o‘tib ham tomoshabinlarning sevimli multfilmi bo‘lib qolayotgan “Muzlik davri” kartinasi haqida qiziqarli ma’lumotlar
- Birgina roli bilan mashhur bo‘lib, keyinchalik ko‘rinmay ketgan aktyorlar (foto)
- Qiyin vaziyatlarda tomosha qilish tavsiya etiladigan filmlar
- Ko‘p marta ko‘rgan bo‘lsangiz ham sevimli multfilmlaringizdagi siz payqamagan holatlar (foto)
Izoh (0)