Криштиану Роналду «Манчестер Юнайтед»нинг март ойидаги энг яхши футболчиси деб топилди

Криштиану Роналду «Манчестер Юнайтед»нинг март ойидаги энг яхши футболчиси деб топилди.

37 ёшли ҳужумчиси овоз бериш натижаларига кўра жамоа вингери Жейдон Санчо ва ярим ҳимоячи Фредни ортда қолдирди.

Португалиялик футболчи март ойида «Юнайтед» таркибида 2 та ўйинда майдонга тушди. АПЛ доирасида «Тоттенҳэм»га қарши ўйинда (3:2) ҳет-трик қайд этган бўлса, Чемпионлар Лигаси 1/8 финалида «Атлетико»га қарши баҳсда (0:1) самарали ҳаракат қила олмади.

Қайд этиш керак, Роналду бунгача 2021 йилнинг сентябрь ва октябрь ойларида ҳам ойнинг энг яхши футболчиси номига лойиқ кўрилганди.

Роналду 2021/22 йилги мавсумда «Манчестер Юнайтед» сафида барча мусобақалар доирасидаги 33 та ўйинда 18 та гол урди ва 3 та голли узатмани амалга оширди.