«Манчестер Сити» ва «Реал» Эрлинг Ҳоланд учун кураш олиб бормоқда.
As хабарига кўра, ўтган ҳафтада «Боруссия Д» ҳужумчиси «Манчестер Сити»нинг ҳафтасига 600 минг евролик биринчи таклифини рад этган. Унга кўра, футболчи йилига 27—28 миллион евро ишлаб топарди.
Норвегиялик футболчининг «Реал»дан таклиф кутаётгани айтилмоқда. Ҳоланднинг қарори фақат молиявий жиҳатга боғлиқ бўлмайди. Агар ҳаммаси пулга боғлиқ бўлганида, унинг «Манчестер Сити» билан шартнома имзолаш эҳтимоли юқорилиги айтилмоқда.
«Реал» ҳам Ҳоланд учун асосий даъвогар бўлиб турибди, «қироллик клуби»ни масаланинг моддий томони ўйлантирмоқда.
Бундан ташқари, «ПСЖ» ва «Барселона» ҳам Ҳоландга асосий даъвогарлар сифатида тилга олиниб келинмоқда. Унинг «Борусия» билан амалдаги шартномаси 2024 йилнинг ёзида ўз ниҳоясига етади.
21 ёшли ҳужумчи 2021/22 йилги мавсумда Дортмунд клуби сафида 23 ўйинда майдонга тушиб, 23 та гол урди ва 5 та голли узатмани амалга оширди.
Изоҳ (0)