Тошкент вақти билан 25 март тонгида Аргентина терма жамоаси ЖЧ—2022 саралаши Жанубий Америка минтақасининг 17-турида Венесуэлага қарши баҳс юритди.
Аргентинада ўтган ўйин мезбонларнинг йирик ғалабаси билан якунланди. 35-дақиқада Николас Гонсалес ҳисобни очди, 79-дақиқага келиб, Анхель ди Мария орадаги фарқни оширди. Ўйин якунланиши арафасида эса Лионель Месси ҳам ўз номига гол ёздириб қўйди.
Ушбу баҳсда Месси 7 ўйиндан иборат голсиз сериясига нуқта қўйди.
Қайд этиш керак, Аргентина терма жамоаси муддатидан аввал мундиал йўлланмасини ҳал қилиб бўлган. Жамоа 38 очко билан саралаш жадвалида 2-ўринда бормоқда. Ҳисобида 10 очко бўлган Венесуэла эса сўнгги поғонада жойлашган.
ЖЧ—2022 саралаши, Жанубий Америка
17-тур баҳслари
26 март, шанба
Аргентина – Венесуэла 3:0
Голлар: 1:0 – 35 Гонсалес, 2:0 – 79 ди Мария, 3:0 – 82 Месси.Аргентина: Армани, Молина, Отаменди, Песселя, Тальяфико, Паредес (Родригес, 88), Корреа (Корреа, 64), де Пауль, Мак Аллистер (ди Мария, 70), Месси, Гонсалес (Бое, 88).
Венесуэла: Фаринес, Росалес, Чансельор, Макун, Феррареси, Наварро (Мурильо, 46), Мартинес, Эррера (Мачис, 77), Кассерес (Гонсалес, 62), Рондон (Саварино, 83), Мартинес (Аристегета, 62).
Огоҳлантиришлар: Наварро (12), Чансельор (67), Эррера (69), Росалес (71).
Изоҳ (0)