Футбол бўйича Navruz Cup—2022 мусобақаси ярим финал ўйинида Ўзбекистон терма жамоаси 25 март, жума куни Қирғизистон билан баҳс олиб борди.
Наманганда кечган баҳс тезкор гол билан бошланди. 6-дақиқада меҳмонлар Мирлан Мурзоевнинг голи эвазига ҳисобда олдинга чиқиб олди. Жамоалар танаффусга шу ҳисоб билан йўл олди.
Учрашувнинг 64-дақиқасига келиб, Элдор Шомуродов мувозанатни тиклади. 84-дақиқада захирадан ўйинга қўшилган Игорь Сергеев Ўзбекистонни ҳисобда олдинга олиб чиқди. 90+1-дақиқада эса Сергеев дублни расмийлаштирган ҳолда ўйинга якуний нуқтани қўйди.
Шу тариқа Ўзбекистон терма жамоаси Navruz Cup—2022 финалига йўл олди. Ҳал қилувчи баҳсда жамоа 29 март куни Угандага қарши баҳс олиб боради. 3-ўрин учун баҳсда Тожикистон ва Қирғизистон тўқнаш келади.
Navruz Cup—2022
Ярим финал баҳси
25 март, жума
Ўзбекистон — Қирғизистон 3:1
Голлар: 0:1 — 6 Мурзоев, 1:1 — 64 Шомуродов, 2:1 — 85 Сергеев, 3:1 — 90+1 Сергеев.Ўзбекистон: 12.Ўткир Юсупов, 3.Ҳожиакбар Алижонов, 18.Абдулла Абдуллаев, 5.Рустам Ашурматов, 4.Фаррух Сайфиев, 9.Одил Ҳамробеков, 7.Отабек Шукуров, 22.Жавоҳир Сиддиқов (19.Азизбек Омонов, 46), 17.Достонбек Ҳамдамов (21.Игорь Сергеев, 79), 10.Жалолиддин Машарипов (23.Ойбек Бозоров, 89), 14.Элдор Шомуродов (15.Умар Эшмуродов, 87).
Қирғизистон: 13.Эржан Токотаев, 2.Валерий Кичин, 5.Айзар Акматов, 18.Қайрат Жиргалбек, 11.Бекжан Сагинбаев (14.Александр Мишенко, 72), 20.Бахтияр Дуйшобеков, 12.Одилжон Абдураҳмонов (8.Азим Азаров, 82), 22.Алимардон Шукуров, 7.Гулжигит Аликулов, 21.Фарҳад Мусабеков (23.Аҳлиддин Исроилов, 72), 10.Мирлан Мурзаев.
Изоҳ (0)