«Ўзгидромет» 26—27 март кунлари кутилаётган кучли ёмғирлар ёғиши сабабли республиканинг тоғолди ва тоғли ҳудудларида сел хавфидан огоҳлантирди.
Қайд этилишича, қуйидаги ҳудудларда сел келиш хавфи эълон қилинади:
- Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманларида;
- Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музробот туманларида;
- Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Иштихон туманларида;
- Навоий вилояти: Хатирчи, Навбаҳор, Нурота, Конимех, Кармана туманларида;
- Жиззах вилояти: Зомин, Бахмал, Ғаллорол, Шароф Рашидов, Фориш, Янгиобод туманларида;
- Тошкент вилояти: Оҳангарон, Бўстонлиқ, Паркент, Юқори Чирчиқ туманларида;
- Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
- Фарғона вилояти: Сўх, Фарғона, Бешариқ туманларида;
- Андижон вилояти: Андижон, Жалақудуқ, Қўрғонтепа, Пахтаобод, Избосган, Хўжаобод, Марҳамат туманларида ва Хонобод шаҳрида сел-сув тошқин ҳодисалари юзага келиши мумкин.
Эслатиб ўтамиз, «Ўзгидромет» 16—19 март кунлари ҳам 9 та вилоятда сел келиш хавфини эълон қилганди. 16 март куни Сирдарё туманидаги хўжаликлараро коллекторнинг Бахт шаҳарчаси ҳудудидан оқиб ўтувчи қисмида сув сатҳининг меъёридан ошиб кетиши оқибатида хонадонларга сув тошиб кирди. Сув сатҳи 4,5 метр куб/сонияга кўтарилиши натижасида Бахт шаҳарчасининг «Хазина», «Тадбиркор», «Ишонч», «Тинчлик» маҳалла фуқаролар йиғинларидаги жами 35 та кўчада сув тошган. 102 та хонадон ва 525 та ҳовлига сув йиғилиб қолган, 679 нафар фуқаро эвакуация қилинган.
Изоҳ (0)