Bugun,

  • USD 11095.31
  • RUB 173.84
  • EUR 10772.44

Sirdaryo tumanidagi xo‘jaliklararo kollektorning Baxt shaharchasi hududidan oqib o‘tuvchi qismida suv sathining me’yoridan oshib ketishi oqibatida xonadonlarga suv toshib kirgani to‘g‘risida xabar berilgandi. Sirdaryo viloyati FVB yog‘ingarchilik natijasida yuzaga kelgan toshqin oqibatlari bartaraf etilgani to‘g‘risida ma’lumot berdi.

Foto: Sirdaryo viloyati FVB matbuot xizmati

Foto: Sirdaryo viloyati FVB matbuot xizmati

15-mart kuni tinimsiz yog‘ingarchilik oqibatida Sirdaryo viloyatining Baxt shahri hududidan oqib o‘tuvchi “VJD” xo‘jaliklararo kollektoridan suv toshishi yuzaga kelgan. Suv sathi 4,5 metr kub/soniyaga ko‘tarilishi natijasida Baxt shaharchasining “Xazina”, “Tadbirkor”, “Ishonch”, “Tinchlik” mahalla fuqarolar yig‘inlaridagi jami 35 ta ko‘chada suv toshgan. 102 ta xonadon va 525 ta hovliga suv yig‘ilib qolgan, 679 nafar fuqaro evakuatsiya qilingan.

Yuzaga kelgan vaziyatni nazorat qilish, tezkor choralar ko‘rish va amaliy yordam ko‘rsatish maqsadida Sirdaryo viloyati hokimi G‘ofurjon Mirzayev boshchiligida Sirdaryo tumani hokimligi, mahalla vakillari, IIB, Milliy gvardiya, FVB, Quyi Sirdaryo ITHB va boshqa daxldor tashkilot va idoralarning mas’ul xodimlaridan iborat Tezkor shtab va uning ishchi guruhi tuzilgan. Viloyat hokimining topshirig‘i bilan suv bosgan xonadonlardagi aholi xavfsiz hududlarga ko‘chirilib, oziq-ovqat va zarur ashyolar bilan ta’minlangan. Voqea joyiga zudlik bilan yetib kelgan favqulodda vaziyatlar vaziri general-mayor Abdulla Qo‘ldoshev, suv xo‘jaligi vaziri Shavkat Hamroyev va boshqa mas’ullar bilan birga tezkor tadbir ishlab chiqilib ishga kirishilgan.

Foto: Sirdaryo viloyati FVB matbuot xizmati

Foto: Sirdaryo viloyati FVB matbuot xizmati

Shuningdek, mazkur hududda avariya-tiklash hamda suv toshqini hududidan suvlarni chiqarib tashlash tadbirlariga maxsus texnikalar va zaruriy vositalar safarbar etilgan. Viloyat hududidagi aholi turar joylari (hovlilar), ijtimoiy soha va iqtisodiyot tarmoqlari obyektlari hududlari va ko‘chalarda yig‘ilib qolgan yomg‘ir suvlarini chiqarib tashlash uchun 40 ta yong‘in o‘chirish avtomobillari, 25 ta motopompa, 18 ta suv tashish texnikalari va 202 nafar FVV xodimi jalb etilgan.

Baxt shahriga Favqulodda vaziyatlar vazirligining 14 ta yong‘in o‘chirish avtomobili, 16 ta motopompa, 11 ta chuqurlik nasosi, tuman hokimligi va Avtomobil yo‘llari bosh boshqarmasining 9 ta samosval, 1 ta avtogreyder, 2 ta avtopogruzchik, 2 ta katok, 1 ta avtokran, 3 ta avtobus, 2 ta suv tashish texnikalari va 1 ta traktori jalb etilib, 28 ta aholi xonadoni va 103 ta uy hovlilari hamda ko‘chalarga toshgan kollektor suvlari chiqarib tashlangan.

Foto: Sirdaryo viloyati FVB matbuot xizmati

Foto: Sirdaryo viloyati FVB matbuot xizmati

Kuchli va tinimsiz yog‘ingarchilik natijasida suv sathining keskin ko‘tarilishi sababli yo‘llarda vujudga kelgan noqulayliklarni bartaraf etish maqsadida M-34 (Toshkent—Dushanbe) avtomobil yo‘li Guliston—Toshkent yo‘nalishining 72-104 kilometri oralig‘ida chuqurchalarni asfaltobeton qoplamasi yordamida yamalgan. Guliston—Ohangaron—Qo‘qon, 4K-671D Baxt shahriga kirish, 4R-25 Sayxun qishlog‘i—Baxt shaharchasi—Qozog‘iston chegarasi va Turon qishlog‘i—Boltoy qishlog‘i avtomobil yo‘llarida to‘planib qolgan suvlarni maxsus texnikalar yordamida ketkazilgan. “Yangiobod”, “Xazina”, “Tadbirkor”, “Tinchlik” mahallalari ichki xo‘jalik yo‘llaridagi to‘planib qolgan suvlarni ketkazish va chegara yo‘llarida qum shag‘al arashlashmasi bilan tekislash ishlari olib borilgan.

Baxt shahar “Xazina”, “Ishonch”, “Tinchlik”, “Tadbirkor” mahalla fuqarolar yig‘inlari hududlaridagi ko‘chalarning yomg‘irdan zarar ko‘rgan 746 ta xonadonda yuqumli va parazitar kasalliklarini oldini olish maqsadida Sanitariya-epidemiologik osoyishtalik va jamoat salomatligi Sirdaryo tumani bo‘limining 14 nafar xodimi tomonidan dezinfeksiya tadbirlari olib borilmoqda.

Foto: Sirdaryo viloyati FVB matbuot xizmati

Foto: Sirdaryo viloyati FVB matbuot xizmati

“VJD” kollektoriga qo‘yilgan moslamadan suv sathi 1 metrgacha va “VJD-3” kollektoridagi suv sathi 20 santimetrgacha pasaygan. Ushbu kollektorning PK-35 nuqtasida joylashgan gidroko‘prikda 7 nafar ishchi va xizmatchi tomonidan har xil yig‘ilgan chiqindilar tozalangan.

Foto: Sirdaryo viloyati FVB matbuot xizmati

Foto: Sirdaryo viloyati FVB matbuot xizmati

Sirdaryo va Toshkent viloyatlari “Toza hudud” DUKning 4 tadan maxsus texnikalari yordamida 1920 metr kub to‘planib qolgan suv chiqarib tashlangan.

O‘zbekistonda mart oyi boshlaridan buyon yomg‘irli ob-havo davom etmoqda. “O‘zgidromet” 17—24-mart kunlari kutilayotgan vaqti-vaqti bilan kuchli yog‘ingarchilik hamda havo haroratining sezilarli o‘zgarishlari sababli 7 ta viloyatda qor ko‘chish xavfi e’lon qilindi.

Izoh
Asosiy yangiliklar
Mahalliy
Soliqlar, jarimalar, kommunal va boshqa to‘lovlarni qanday qilib uydan chiqmasdan to‘lash mumkin?
Mahalliy
BAA O‘zbekiston zargarlik sanoatiga investitsiya kiritishi kutilyapti
Dunyo
Zelenskiyning rafiqasi ukrainaliklar chiroqsiz va issiqliksiz yashashga roziligini ma’lum qildi