Ўзбекистондаги тижорат банкларида доллар сотув курси 11 550 сўмгача пасайди

Ўзбекистондаги бир нечта тижорат банклари 24 март, пайшанба куни доллар валютасининг сўмга нисбатан курсини яна туширди.

Аксарият банклар 1 АҚШ долларини 11 450 сўмдан сотиб олишни, 11 570 сўмга сотишни таклиф қилмоқда. Тижорат банкларида 17 март куни доллар курси 11 630 сўмгача кўтарилганди, 18 март куни эса 11 560 сўмгача пасайган. Шу куни Марказий банк хорижий валюталарнинг ўзбек сўмига нисбатан 24 мартда амалда бўладиган қийматини белгилаганди. Унга кўра, долларнинг расмий курси 62,40 сўмга пастлаб, 11 509,59 сўмни ташкил қилмоқда.

Қуйида долларнинг янги қийматини эълон қилган айрим банклар келтирилган:

• NBU: сотиб олиш — 11 480 сўм, сотиш — 11 550 сўм;
• «Hamkorbank»: сотиб олиш — 11 460 сўм, сотиш — 11 570 сўм;
• «Davrbank»: сотиб олиш — 11 450 сўм, сотиш — 11 570 сўм;
• «Turonbank»: сотиб олиш — 11 450 сўм, сотиш — 11 570 сўм;
• «Tengebank»: сотиб олиш — 11 500 сўм, сотиш — 11 570 сўм;
• «Капиталбанк»: сотиб олиш — 11 460 сўм, сотиш — 11 550 сўм.