«Манчестер Юнайтед» ёзда «Рома» ҳужумчиси Тэмми Абраҳамни ўз сафига қўшиб олмоқчи.
Football Italia’нинг хабар қилишича, манкунианликлар мавсум охирида 24 ёшли футболчи трансфери борасида «Рома»га таклиф билан чиқиши мумкин.
«Қизил иблислар» барқарор ўйнайдиган марказий ҳужумчи қидирмоқда. Шунда Криштиану Роналдуни ўзи учун ноқулай бўлган чизиқда ўйнатишга ҳожат қолмайди. Шунингдек, «Юнайтед» Жейдон Санчонинг Абраҳам билан қалин дўстлиги келишувга ёрдам беришидан умидвор.
«Рома» фақат молиявий томондан жуда фойдали таклиф бўлсагина инглизни сотиши мумкин.
2021 йилнинг ёзида римликлар Абраҳам учун «Челси»га 40 миллион евро тўлаганди. Шунингдек, турли бонуслар ҳам назарда тутилган. Томонлар ўртасидаги шартномага кўра, лондонликлар клубида 2023 йилнинг ёзидан бошлаб Абраҳамни 80 миллион еврога сотиб олиш ҳуқуқи бўлади.
Жорий мавсум Абраҳам «Рома» сафида барча мусобақалар доирасида 40 та ўйин ўтказиб, 23 та гол ва тўртта голли узатма муаллифига айланди.
Эслатиб ўтамиз, Темми «Рома»да Элдор Шомуродовнинг рақобатчиси ҳисобланади.
Изоҳ (0)