«Реал» класикодаги мағлубиятдан сўнг Эрлинг Ҳоландни сотиб олишга жиддий киришди

«Реал» 2022 йилнинг ёзида «Боруссия Д» ҳужумчиси Эрлинг Ҳоландни ўз сафига қўшиб олишга жиддий киришади.

«Реал» президенти Флорентино Перес «Барселона»дан учралган йирик мағлубиятдан (4:0) кейин норвегиялик футболчини сотиб олиш керак деган қарорга келган. Карим Бенземанинг йўқлиги жиддий муаммоларга сабаб бўлаётгани испаниялик функционерни хавотирга соляпти, дея хабар қилмоқда АS.

Франциялик форвард «Эль-Класико»ни жароҳат сабаб ўтказиб юборди. Унинг ўрнини бошланғич таркибда Лука Йович ёки Мариано Диас эгаллаши мумкин эди, бироқ Карло Анчелотти бу икки марказий ҳужумчига ишонч билдирмаган.

Перес «Реал» Бенземасиз топ-ўйинларда қийналишини тушуниб етди. Шу сабаб мадридликлар клуби «Боруссия» ҳужумчисини ўз сафига қўшиб олиш устида жиддий ишлай бошлади.

Аввалроқ Ҳоландга «Манчестер Сити» ва «Барселона»дан қизиқиш борлиги, «шаҳарликлар» уни АПЛнинг энг кўп маош олувчи футболчисига айлантиришга тайёрлиги хабар қилинганди.

Ҳоланд Бундеслига жорий мавсумида 17 та ўйин ўтказиб, 16 та гол ва бешта голли узатма муаллифига айланди.