«Барселона» бош мураббийи Хави «Реал» устидан қозонилган йирик ғалаба (4:0) ҳақида фикр билдирди.
Барча «Барса» мухлислари учун бахтли кун. Биз кўпроқ гол уришимиз ҳам мумкин эди.Сафарда «Реал» устидан бунчалик устунликка эга бўлишимизни кутмагандик. Улар бир ҳафта дам олди, биз эса жума куни Туркиядан (Европа Лигаси доирасидаги «Галатасарай»га қарши ўйиндан сўнг — «Дарё») учиб келдик.
Фантастик ўйин кўрсатдик ва бундан жуда мамнунман. Ўйин борасида ҳам, натижа борасида ҳам «Реал»дан анча ўтиб кетдик. Оғзимиз қулоғимизда.
Соврин ҳақида ўйламасдан ишлашда давом этамиз. Ортиқча тўлқинланмасдан давом этишимиз керак.
Хави, «Барселона» бош мураббийи
«Барселона» сўнгги 3 йил ичида илк бор «Реал»дан устун келди. Мадрид клубининг 5 ўйиндан иборат бўлган ғалабали серияси якунланди.
Каталонлар 28 та ўйин ўтказган ҳолда мусобақа жадвалида 54 очко билан 3-ўринда бормоқда. «Реал» эса 66 очко якка пешқадам бўлиб турибди. 2-поғонадаги «Севилья»нинг ҳисобида 57 очко бор.
Изоҳ (0)